心意媽媽下廚手記

模具: 6吋活底圓模 (6-8人份量) 材料： 糯米 360g 泰國水仙芒 3-4個(視乎大小) 椰漿1 (用作混合糯米飯)： 椰奶 240ml 糖 4湯匙 鹽 1/4 茶匙 椰漿2 (淋面用)： 椰奶 200ml 糖 2湯匙 鹽 1/4茶匙 生粉水 適量 做法： 1，糯米洗淨，浸水至少8小時或過夜。 2，於鑊中煲滾熱水，把糯米放於紗布內，大火蒸約30分鐘。 3，以中火加熱椰奶，加入糖及鹽，煮至微滾熄火。 4，趁糯米飯熱時拌入椰漿1，讓糯米飯充分吸收，蓋上保鮮紙靜置20分鐘。 5，1-2個芒果去皮切薄片(用作玫瑰花裝飾)，另外1-2個芒果切粒(用作夾心)。 6，準備好圓形活底模具，先把底部取出，包上保鮮紙。 7，把一半糯米飯放進模具，用手指或匙羹輕按鋪平。 8，把芒果粒均勻鋪於糯米飯上成夾心層，芒果粒之間盡量不要留有空間。 9，把餘下的一半糯米飯鋪於芒果粒上，輕按鋪平。 10，把糯米飯脫模取出。 11，於糯米飯上制作芒果花。把較短的芒果片放於中心作花蕊，由短至長依次序向外圍一圈一圈鋪出芒果花。芒果糯米飯蛋糕完成。 12，把椰汁2材料(椰奶、糖、鹽)以中火加熱，加入生粉水攪拌至適當稠度成為淋面椰漿。 13，把椰汁2淋上芒果糯米飯蛋糕即成。 小貼示： 1，蒸糯米飯時建議用梳孔的容器盛載，受熱會較均勻；如用碟盛載，有機會部分糯米半生不熟。 2，糯米飯粘性高，於模具活底包上保鮮紙，可避免糯米飯黏著底部，取出時會較容易把活底與糯米飯分開。 3，圖中的芒果片每片厚度大約3毫米，不用切太厚，完成芒果花後可把外圍的芒果片稍為攤平，鋪出來的芒果花會比較有層次感。 4，平常一家四口吃的話，可將此食譜份量減半，大約就像下圖中份量。

屋企耐唔耐都會整方包，有時食剩左，擺得耐乾乾地硬硬地就會唔想食... 想解決左啲隔夜方包，整多士!烘三文治又食到悶悶地既話，不如用黎整下甜品，食材都係屋企常備既，準備功夫只係15分鐘，用焗爐焗半個鐘出爐就食得🤗~ 趁熱加埋雪糕一齊仲好食， 又係一個簡單又好食既甜品。 材料: (2人份量，烤盤尺寸20×12.5×5cm，也可用甜品焗杯) 方包 2片 (也可用法包) 提子乾 2湯匙 肉桂粉 1茶匙 牛奶 200毫升 糖 25克 雞蛋 1隻 雲呢拿香油 1/2茶匙 做法: 1，方包撕成小塊，鋪於焗盤內。 2，蛋打散成蛋液。牛奶加入糖，以微波爐或小鍋加熱至糖融化。 3，把牛奶逐少加入蛋液拌勻，加入肉桂粉、雲呢拿香油拌勻後，過篩把氣泡隔走。 4，預熱焗爐至180°c。 5，把布甸液加至焗盤內，加入提子乾，把麵包向下輕壓避免麵包浮起，靜置5-10分鐘讓麵包完全吸收。 6，放入焗爐以180°c焗30分鐘至金黃色(如用甜品焗杯可自行減少烤焗時間)。 7，出爐撒上糖粉，趁熱享用。

細個成日食莎莉蛋糕，放冰格可以保存得好耐，想食就隨時切兩片拎出黎回溫就食得~ 不過買番黎當然無自己整果種一出爐就全屋都牛油香味既感覺，聞到已經好想食😁😁😁，一兩片做早餐或下午茶剛剛好，食唔晒放雪櫃擺幾日都無問題，不過自已整通常都唔會放得耐，一兩日就俾人K.O.晒😆 不過磅蛋糕出爐後最好唔好即刻食，放入密封盒於室溫保存至少一晚等蛋糕回潮，食起上黎會較濕潤。如果一兩日食唔晒放雪櫃，食之前要早半個鐘拎出黎回溫，因為磅蛋糕牛油比重較多，雪凍既磅蛋糕會變實，影響口感。 以下食譜份量約做一條長形磅蛋糕(模具尺寸:21cm×11cm×6cm)，如想做少啲份量，可將所有材料減半，無長形模具亦可用小蛋糕杯，做蛋糕仔俾小朋友當茶點~ 不過留意磅蛋糕比較重身同厚實，如果比較鍾意輕盈鬆軟口感既蛋糕，可能其他種類既蛋糕會更適合，遲啲再同大家分享~ 材料: 低筋粉 200克 無鹽牛油 200克 幼砂糖 160克 雞蛋 4隻 泡打粉 1茶匙 鹽 半茶匙 雲呢拿香油 半茶匙 做法: 1，預熱焗爐至180°c。蛋糕模鋪上烘焙紙。 2，牛油放於室溫軟化。加糖，用打蛋器打至淡黃色。 3，分3次加入雞蛋用打蛋器打勻。 4，加入雲呢拿香油及鹽打勻。 5，分3-4次篩入麵粉，用切拌法拌勻。 6，倒入蛋糕模中，掃平表面。 7，放入焗爐，以180°c焗20分鐘。 8，取出蛋糕於表面劃一刀，放回焗爐以170°c再焗約40分鐘，如蛋糕表面已上色，可於最後20分鐘蓋上錫紙避免顏色過深。 9，用牙籤插入蛋糕中央看看是否熟透 (牙籤沒有沾上麵糊)。 10，把蛋糕放在鐵架上，脫模放涼。 *每個局爐溫差同火力不同，請自行調校烤焗時間。 Butter pound cake Ingredients: 200g cake flour 200 g unsalted butter 160g caster sugar 4 eggs 1 tsp baking powder 1/2 tsp salt 1/2 tsp vanilla extract Directions: 1, Preheat oven to 180°c. Line the pan with baking paper. 2, Soften the butte...