心意媽媽下廚手記

豬仔骨係屋企冰箱成日都有既野，有時間醃既話就成排醃完焗(可參考底部BBQ醬燒焗豬仔骨食譜連結)，無時間醃就切件整蒜香骨，貪佢易入味又好食，做法極簡單，醃完放入airfryer炸10分鐘左右就食得。出面食通常用油炸，但屋企用氣炸鍋可以將啲多餘既豬油逼晒出黎，好味得黎又少啲內疚感~😆 材料: 豬仔骨 1條 (約1磅) 炸蒜 適量 醃料: 生抽 1湯匙 雞粉 半茶匙 淮鹽 1/4茶匙 胡椒粉 1/4茶匙 紹興酒 1湯匙 蒜頭 6瓣 (切碎) 糖 1茶匙 蛋白 1湯匙 粟粉 2湯匙 做法: 1，豬仔骨解凍，洗淨，撕走筋膜，切件。 2，把豬仔骨放入保鮮袋，加入醃料(豉油、雞粉、淮鹽、胡椒粉、紹興酒，蒜蓉，糖)，輕按豬仔骨確保每條豬仔骨均勻沾上醃料，醃至少1小時或過夜。 3，炸前加入蛋白及粟粉拌勻。 4，放入氣炸鍋，以180°c氣炸5分鐘，反面氣炸5分鐘。查看金黃程度再加2-5分鐘。 5，取出上碟，灑上炸蒜即可享用。 小貼士: 1，氣炸時間按豬仔骨大小而異，請自行調校。 2，如沒有氣炸鍋，可以焗爐以220°c焗約20分鐘至金黃色。 如果喜歡一整排焗既西式豬仔骨，可按以下連結: https://32mama.blogspot.com/2019/09/bbq.html

避風塘炒法真係好惹味，用黎炒蝦定炒蟹都好好食，屋企整亦好容易，因為食材大部分都係屋企常有既食材，買斤蝦就整到😆。用airfryer炸蝦仲唔怕彈油，炸完勁香蝦膏味，再落鑊同炸蒜兜一兜，好香呀🤩🤩🤩~ 材料: 海蝦 1斤 蒜蓉 1個 (切碎) 乾蔥頭 1粒 (切粒) 蔥 2棵 指天椒 2隻 牛油 30克 粟粉 3湯匙 淮鹽 半茶匙 (如沒有可用胡椒粉及鹽取代，按個人口咪調整鹹度) 糖 1/4 茶匙 醃料: 紹興酒 1湯匙 鹽 半茶匙 Ingredients: 1 catty prawns 1 garlic, chopped 1 shallot, diced 2 stalks green onion, sectioned 2 chilies, chopped 30g butter 3 Tbsp corn starch 1/2 tsp spiced salt 1/4 tsp sugar Marinade: 1 Tbsp Shaoxing wine 1/2 tsp salt 做法: 1，把蝦洗淨，剪去尖刺及鬚腳，用牙簽去腸。 2，加入紹興酒及鹽醃10分鐘。 3，預熱氣炸鍋至200°約3分鐘。把海蝦撲上粟粉，放於氣炸鍋炸籃內，噴油，以200°c氣炸5分鐘 (按蝦大小及份量而定，我分了2次炸每次約8-10隻)。如沒有氣炸鍋，可用油炸約1分鐘盛起瀝油。 4，開中火，於鑊中放入牛油加熱至完全溶化。 5，加入蒜蓉炸至金黃色，加入乾蔥和指天椒炒香。 6，轉中大火把蝦倒入鑊中，加入淮鹽及糖調味，最後加入蔥快手炒勻上碟。 *蝦很快熟所以不用炸太久，否則之後回鑊炒後會太老。

氣炸西檸雞  (Airfried chicken thigh with lemon sauce) 西檸雞係大人小朋友都鍾意食既餸，因為炸雞扒脆脆既外皮加埋酸酸甜甜既西檸汁，的確令人好開胃。如果想再方便啲，整西檸雞翼亦得(食譜份量大約可整10隻雞翼)。不過如果想要大牌檔風味既西檸雞，吉士粉唔少得，係令西檸汁有果種橙色同香味既精華。無吉士粉亦可以用粟粉開水代替，但會變"檸蜜雞"唔係"西檸雞"，不過都係好食🤗~ 材料: 急凍雞扒 2塊 (約600克) 蕃薯粉 70g 醃料: 紹興酒 1湯匙 糖 1湯匙 鹽 1茶匙 胡椒粉 1茶匙 粟粉 1湯匙 蛋 1隻 (打成蛋汁) 西檸汁: 檸檬 1個 (留2片作裝飾，其餘榨汁) 檸檬皮 1個 (只取表面黃色部份，不要白色苦澀部份) 蜜糖 1.5湯匙 糖 1湯匙 (按自己喜歡甜度加減) 水 100毫升 吉士粉 2茶匙 (如沒有可用粟粉打芡，但味道略有不同) Ingredients: 2 pcs boneless chicken thigh (around 600g) 70g Potato flour Marinade: 1 Tbsp Shaoxing wine 1 Tbsp sugar 1 tsp salt 1 tsp pepper 1 Tbsp corn starch 1 Egg (whisked) Lemon sauce: 1 Lemon (keep 2 slices for garnish, juice the rest) 1 Lemon zest (only zest the yellow part) 1.5 Tbsp Honey 1 Tbsp Sugar 100ml Water 2 tsp Custard powder 做法: 1，雞扒洗淨抹乾，去除多餘脂肪，切薄(把厚肉部份開攤平，但不要切斷，成一塊大雞扒)。 2，加入醃料拌勻，醃至少30分鐘。 3，把醃好的雞扒撲上蕃薯粉，靜置10分鐘讓表面回潮。 4，把雞扒放於氣炸鍋，皮向下，180°c氣炸8分鐘，翻面皮向上，氣炸12分鐘至雞扒呈金黃色。(如沒有氣炸鍋，可以半煎炸方式煎至雞扒熟透。) 5，檸檬磨皮榨汁。於鍋中...

去親泰國必食既一道菜，上次去完順便買左啲咖喱粉同辣椒膏番黎試下，香港喺街市既泰國舖都好易買到。 通常炒蟹都會先走油去鎖住蟹既肉汁，但走油感覺上用好多油唔健康，用氣炸鍋做走油既步驟真係好方便，用少啲油，少啲內疚感😆。 身邊有唔少朋友都開始入手Airfryer，為左方便朋友俾工人姐姐買餸，我將材料list加埋英文，但翻譯晒所有步驟比較費時，如果有朋友特別想要先同我講啦，或者淨係睇圖都明😁 材料 : 肉蟹 1隻 (約1斤重) 洋蔥 1個 (切絲) 乾蔥 4粒 (切碎) 蔥 2棵 (切段) 蒜頭 2瓣 (切碎) 薑 2片 蛋 2隻 (打散) 粟粉 2 湯匙 (撲粉用) 調味料: 咖喱粉 2湯匙 辣椒膏 半湯匙 (不要辣可省略) 紹興酒 1湯匙 牛奶 120毫升 水 120毫升 魚露 1.5湯匙 煉奶 1湯匙 糖 2茶匙 Thai-Style Curry Crab Ingredients: 1 Mud Crab (around 1 catty) 1 Onion, shreded 4 Shallot, minced 2 stalks Green onions, sectioned 2 cloves Garlic, minced 2 slices Ginger 2 Eggs, whisked 2 tbsp Corn starch (for coating) Seasoning: 2 tbsp Curry powder 1/2 tbsp Thai Chili paste (optional) 1 tbsp Shaoxing wine 120ml Milk 120ml Water 1 1/2 Fish sauce 1 tbsp Condensed milk 2 tsp Sugar 做法: 1，把蟹洗淨，去腮斬件。蟹鉗用刀背拍碎。 2，蟹撲上粟粉，放入炸籃，噴油，180°c氣炸5分鐘，於最後2分鐘放入蟹蓋。(如沒有氣炸鍋，又不想泡油，可於步驟5加入調味料後直接關蓋煮8分鐘至熟透。) 3，中大火下油於鑊中，放入薑、洋蔥、乾蔥、蒜頭炒香。 4，加入咖喱粉及辣椒膏略炒 (如不喜歡吃辣可省略辣椒膏)。 5，將所有蟹件回鑊炒，加入牛奶、水、糖、酒、魚露、煉奶炒勻約3分鐘 (炒蟹時...