心意媽媽下廚手記

屋企既小朋友一見到卡通麵包就爭住食，佢地特別鍾意拎住個麵包逐隻眼耳口鼻咁食，食得勁開心，做阿媽花心機整完見到佢地咁開心都滿足。😆😆😆 食譜: ⬇️⬇️⬇️ 牛奶麵團： 高筋麵粉 98g 牛奶 67g 砂糖 10g 速發酵母 1.3g 鹽 0.6g 牛油 10g 朱古力麵團： 高筋麵粉 94g 可可粉 4g 牛奶 67g 砂糖 10g 速發酵母 1.3g 鹽 0.6 牛油 10g 餡料： 朱古力粒 80g 麵糰做法: 麵包機: 1，制作牛奶麵團：將所有材料放入麵包機，建議保留最後10g牛奶逐步添加，按麵團吸水量作加減。啟動麵糰模式。 2，麵團成形後加入軟化牛油。 廚師機: 1，制作牛奶麵團：先放乾材料，然後放入濕材料(保留最後10ml牛奶按麵團吸水量逐步加入)，以慢速1-2檔把材料拌成麵糰。 2，麵團成形後加入軟化牛油，轉中速(3檔)把麵團打至光滑可拉出薄膜狀態(約15分鐘)，取出麵團滾圓，並放入密封容器作第一次發酵(可於容器底部噴/掃油方便發酵後取出)。 3，重複步驟制作可可麵團。 4，麵糰完成第一次發酵後(大約45分鐘至1小時，發至兩倍大)取出，放在工作檯。 5，用手按壓麵糰排氣，用電子磅量度麵團重量，把牛奶麵糰平均分割成8等份作鬆弛熊頭部(每個約20g)及16等份作耳朵(每個釣1g)，滾圓，用濕布或保鮮紙蓋上麵糰，靜置15分鐘鬆弛麵糰。重複同樣步驟分割可可麵團。 6，把麵糰壓成圓形，翻面，放入朱古力粒(每個麵糰放入約5g朱古力粒，按喜好加減)。包成球形，收口向下放於方形模中，用不同顏色的麵團作分隔。 7，把麵團蓋上保鮮紙或放入焗爐(可於焗爐內放一杯水增保持麵團濕度)，作最後發酵約45分鐘。 8，完成第二次發酵後，取出模具並預熱焗爐。 9，放入已預熱焗爐，140°c焗25分鐘。取出脫模，放於鐵架放涼。 10，完全放涼後用朱古力筆畫上卡通表情即成。 小貼士: 1，若想保持麵團之原色，需把爐溫調低烤焗。圖片中是錯誤示範，因平常習慣焗麵包用180°c，忘了把爐溫調低，想做白熊但變成黃金熊了。 2，用朱古力筆畫表情時，麵包必須完全放涼，否則朱古力會於麵包表面溶化。 3，如用麵包機，酵母應放進酵母容器，如沒有的話，酵母和鹽應放對角，以免壓抑酵母活躍程度。 ...

抹茶同紅豆一向夾，但加埋麻糬既煙煙韌韌，亦係好絕配既日式配搭。紅豆份量可按個人喜好增加，但唔好過量，因為要預足夠空間放入麻糬，如果餡料過多會好容易爆開。呢個食譜每個麵團大約放入各20克既紅豆同麻糬，個人覺得份量剛剛好唔會太甜或太漏，加埋抹茶香同湯種麵包既軟熟，口感豐富，食早餐即刻好似變左食甜品咁幸福🤗🤗🤗~ 食譜: ⬇️⬇️⬇️ 麵團材料 (可做9個): 高筋麵粉 350g 湯種 120g 雞蛋 50g (約一隻份量，如蛋重量不同可自行於牛奶份量加減) 牛奶 125g 抹茶粉 8g 砂糖 30g 速發酵母 6g 鹽 2g 牛油 30g 湯種材料: 高筋麵粉 25g 水/牛奶 125g 湯種做法可按此連結: https://32mama.blogspot.com/2019/10/blog-post_8.html 詳細湯種食譜換算: https://32mama.blogspot.com/2019/10/blog-post_8.html?m=1 餡料 : 紅豆蓉 180g (分成9份，每份20g) 麻糬材料: 糯米粉 70g 水 130g 細砂糖 15g 油 1茶匙 麻糬做法: 1，把糯米粉、水、細砂糖及油拌勻。 2，把混合物加入不沾平底鍋，慢火加熱，一邊攪拌，直至麻糬熟透呈半透明狀態。 3，於碗內掃油，把麻糬放進碗內。 4，用保鮮紙緊貼麻糬蓋上，放涼備用。 5，放涼後把麻糬分成9等份，每份約18-20g。 麵團做法: 麵包機做法: 1，將材料放入麵包機，濕材料(湯種、牛奶、雞蛋)先放，再放乾材料(鹽、糖、麵粉、酵母、抹茶粉)，建議保留最後20g牛奶逐步添加，按麵團吸水量作加減。啟動麵糰模式。 2，麵團成形後加入軟化牛油。 廚師機做法: 1，先放乾材料，然後放入濕材料(保留最後20ml牛奶按麵團吸水量逐步加入)，以慢速1-2檔把材料拌成麵糰。 2，麵團成形後加入軟化牛油，轉中速(3檔)把麵團打至光滑可拉出薄膜狀態(約15分鐘)，取出麵團滾圓，並放入密封容器作第一次發酵(可於容器底部噴/掃油方便發酵後取出)。 3，準備麻糬備用(參考以上做法...

好鍾意加左紫薯既排包，顏色好靚好夢幻，加埋高湯種比例果種超軟熟質感，新鮮出爐果時真係好香好好食，就算放兩日，麵包都仲可以保持到好軟身。 之前試過用紫薯粉整麵包，但出黎顏色比較淺，相比之下用真既紫薯整出黎，顏色效果靚好多。加上紫薯本身係超有益既食物，維他命A含量高，亦有抗氧化既花青素，低脂低熱量同有助降血糖，食多啲都唔怕。自己整既紫薯麵包，仲可以按自己喜歡既顏色深度去決定加入幾多紫薯份量。 不過買紫薯既時候要留意有無買錯，因為紫薯同紫心蕃薯其實係兩樣完全唔同既植物。紫薯外形比較瘦長同外皮較平滑，而紫心蕃薯外形較肥短同外皮較粗糙。另外，紫薯肉顏色會比較深，而紫心蕃薯肉係紫中帶白，所以如果買錯左紫心蕃薯，整出黎既麵包顏色會比用紫薯淡色。紫心蕃薯既澱粉同糖份含量亦較紫薯高，所以如用紫心蕃薯做麵包，水份同糖分都要自己再調節。  (份量可造12條排包，每6條放於兩個22×22cm方形盤內) 麵團材料 : 高筋麵粉 370g 砂糖 65g 速發酵母 6g 鹽 2g 湯種 120g 雞蛋 30g (保留餘下蛋液最後掃面) 牛奶 100g (建議保留最後20g牛奶逐步添加，並按紫薯水份及麵團吸水量作加減) 煉奶 28g 淡忌廉 75g 紫薯 100g 牛油 30g 湯種材料: 高筋麵粉 25g 水/牛奶 125g 湯種做法及湯種食譜換算可按此連結: https://32mama.blogspot.com/2019/10/blog-post_8.html?m=1 做法: 1，紫薯去皮，切塊，大火蒸15-20分鐘至熟透。用叉壓成泥備用。 (麵包機做法:) 2，將材料放入麵包機，濕材料(湯種、牛奶、雞蛋、煉奶、淡忌廉)先放，再放乾材料(鹽、糖、麵粉、酵母、紫薯泥)，建議保留最後20g牛奶，於啟動麵團模式後逐步添加，並按紫薯水份及麵團吸水量作加減。 (廚師機做法:) 2，先放乾材料，然後放入濕材料(除牛奶及牛油)，以慢速1-2檔把材料拌成麵團，把牛奶逐步加入讓麵團慢慢吸收。 麵團成形後加入軟化牛油，轉中速(3檔)把麵團打至光滑可拉出薄膜狀態(約15分鐘)，取出麵團滾圓，並放入密封容器作第一次發酵(可於容器底部噴/掃油方便發酵後取出)。 3，麵糰完成第...