麵包布甸

-


屋企耐唔耐都會整方包，有時食剩左，擺得耐乾乾地硬硬地就會唔想食... 想解決左啲隔夜方包，整多士!烘三文治又食到悶悶地既話，不如用黎整下甜品，食材都係屋企常備既，準備功夫只係15分鐘，用焗爐焗半個鐘出爐就食得🤗~ 趁熱加埋雪糕一齊仲好食，又係一個簡單又好食既甜品。


材料:
(2人份量，烤盤尺寸20×12.5×5cm，也可用甜品焗杯)
方包 2片 (也可用法包)
提子乾 2湯匙
肉桂粉 1茶匙
牛奶 200毫升
糖 25克
雞蛋 1隻
雲呢拿香油 1/2茶匙


做法:
1，方包撕成小塊，鋪於焗盤內。

2，蛋打散成蛋液。牛奶加入糖，以微波爐或小鍋加熱至糖融化。

3，把牛奶逐少加入蛋液拌勻，加入肉桂粉、雲呢拿香油拌勻後，過篩把氣泡隔走。



4，預熱焗爐至180°c。

5，把布甸液加至焗盤內，加入提子乾，把麵包向下輕壓避免麵包浮起，靜置5-10分鐘讓麵包完全吸收。



6，放入焗爐以180°c焗30分鐘至金黃色(如用甜品焗杯可自行減少烤焗時間)。

7，出爐撒上糖粉，趁熱享用。





留言

張貼留言

這個網誌中的熱門文章

湯種法做法及簡單換算

-
圖片
自家制既麵包因為無落添加劑，一般唔即日食既話，好快個質感就會變得好實，其實只要做多少少步驟，就可以加長麵包既保質期，令麵包鬆軟時間長啲。 湯種法係將麵粉同水用1:5既比例加熱煮成麵糊放涼後加入麵糰既方法，原理係利用澱粉受熱膨化去增加麵團吸水量，令麵包組織柔軟及延長麵包老化時間。 湯種材料: 高筋麵粉 25g 水/牛奶 125g 湯種做法: 1，麵粉和水或牛奶以1:5比例拌勻至無粉粒狀態。 2，於平底鍋以低火把混合物煮至稠身(煮至大約65度為之適合稠度)，期間要不停攪拌。 3，放涼後即可使用。 4，如非立即使用，應用保鮮紙緊貼湯種表面蓋上，放於雪櫃可儲存最多4-5日，需要時直接使用。如果顏色變灰則不能再使用。 如何把一般麵包食譜換算為湯種麵包食譜? 參考過好多關於湯種既資料，一個食譜應該加幾多湯種份量，通常會以呢條算式計算: (乾材料+濕材料)×20%=所需湯種重量 但個人覺得呢個計法要加晒乾濕材料重量有啲繁複，經過自己多次嘗試之後，我會用以下方法計算比較簡單，俾大家參考下: 應加入麵糰既湯種份量=麵粉重量×20%(至最多35%) 例如: 原食譜所用麵粉係250g，咁所需湯種重量為: 250g(麵粉)×20%=50g(湯種) 當然可以自己按喜歡既軟熟程度去增加湯種既比重，但多過35%既湯種:麵粉比例，麵糰會比較黏手，造型可能會較困難。 至於點樣計算加湯種後應扣減幾多液體，我會咁計: 已使用的湯種重量÷0.8=湯種原來麵粉重量(1/6)+原來水量(5/6) 例如: 假設用左50g湯種，要計算原來麵粉同水既重量方法係: 50g÷0.8=62.5g (湯種原來總重量) 以1:5比例除開，如下: 62.5g×1/6=10.42g (四捨五入=10g=原來湯種麵粉量) 62.5g×5/6=52g (四捨五入=50g=原來湯種水量) 計算左原本湯種入面落左幾多水同麵粉，然後將非湯種原食譜入面的總麵粉同液體量扣減出來就可以了。可以參考以下例子: 原食譜(直接法): 高筋麵粉 260g 雞蛋 50g 牛奶 120g 砂糖 30g 速發酵母 4g 鹽 2g 牛油 25g 修改
閱讀完整內容

Outback黑糖裸麥麵包

-
圖片
招呼朋友通常都會整呢個麵包俾佢地喺餐前食，一見到就會狂食，但又要制止朋友們唔好食太多，驚佢地食到飽晒食唔落之後既主菜😂 其實呢隻麵包好易整，只要有晒所有材料，倒晒落麵包機就得，無麵包機用手搓亦得，唔使咩特別技巧~ 呢個食譜係用湯種法，因為個人比較鍾意食軟熟質感既麵包，懶得整湯種既話，用直接法亦得，不過留意黑糖蜜本身比較重身，用左黑糖蜜既麵包質感會無其他麵包咁膨脹同鬆軟，用直接法放涼後口感會比較實，建議食前用微波爐叮15秒，趁熱配牛油一齊食，口感會比較好。 材料(可做6個): 湯種 50g (如不用湯種法，需增加總牛奶量至大約150ml，由於不同牌子麵粉吸水力不同，最後10ml最好慢慢加，按麵糰吸水程度作加減) Molasses黑糖蜜 40g 牛奶 100ml 鹽 2g 黑祼麥粉/全麥粉 30g 高筋粉 225g 黑麥芽精 8g 可可粉 3g 黑糖 40g 速發酵母 4g 牛油 25g 玉米粉 適量 (灑表面用，Outback用的是黃色粗粒玉米粉Polenta，但因為只用作灑表面，沒有的話可用黑裸麥粉/全麥粉代替) 湯種材料: 高筋麵粉 10g 水/牛奶 50g (湯種法可令麵糰吸水量增加，令麵包組織較柔軟及延長麵包老化時間。 湯種做法: 1，麵粉和水或牛奶以1:5比例拌勻。 2，於平底鍋以低火煮至稠身，期間要不停搞拌。 3，放涼後即可使用。 4，如果常做麵包，湯種份量可以預備多一點，用保鮮紙緊貼湯種表面蓋上，放於雪櫃可儲存最多4-5日，需要時直接使用。如果顏色變灰則不能再使用。) Ingredients: 50g Water roux (If water roux is not added, the total milk volume has to be adjusted to around 150ml, depending on the absorbability of the dough. Add the final 10ml of milk gradually.) 40g Molasses 100ml Milk 2g Salt 30g Dark rye flour/Wholemeal flour 225g Bread flour 8g Dark Malt 3g Cocao
閱讀完整內容

氣炸蒜香骨

-
圖片
豬仔骨係屋企冰箱成日都有既野，有時間醃既話就成排醃完焗(可參考底部BBQ醬燒焗豬仔骨食譜連結)，無時間醃就切件整蒜香骨，貪佢易入味又好食，做法極簡單，醃完放入airfryer炸10分鐘左右就食得。出面食通常用油炸，但屋企用氣炸鍋可以將啲多餘既豬油逼晒出黎，好味得黎又少啲內疚感~😆 材料: 豬仔骨 1條 (約1磅) 炸蒜 適量 醃料: 生抽 1湯匙 雞粉 半茶匙 淮鹽 1/4茶匙 胡椒粉 1/4茶匙 紹興酒 1湯匙 蒜頭 6瓣 (切碎) 糖 1茶匙 蛋白 1湯匙 粟粉 2湯匙 做法: 1，豬仔骨解凍，洗淨，撕走筋膜，切件。 2，把豬仔骨放入保鮮袋，加入醃料(豉油、雞粉、淮鹽、胡椒粉、紹興酒，蒜蓉，糖)，輕按豬仔骨確保每條豬仔骨均勻沾上醃料，醃至少1小時或過夜。 3，炸前加入蛋白及粟粉拌勻。 4，放入氣炸鍋，以180°c氣炸5分鐘，反面氣炸5分鐘。查看金黃程度再加2-5分鐘。 5，取出上碟，灑上炸蒜即可享用。 小貼士: 1，氣炸時間按豬仔骨大小而異，請自行調校。 2，如沒有氣炸鍋，可以焗爐以220°c焗約20分鐘至金黃色。 如果喜歡一整排焗既西式豬仔骨，可按以下連結: https://32mama.blogspot.com/2019/09/bbq.html
閱讀完整內容